Serada flamenco-occitan tà l'Esquireta
Que n’ètz acostumats adara, com cada annada la velha deu 1èr de mai, l’associacion l’Esquireta de Lescar qu’organiza la soa serada. Aquesta serada mercada per la tradicion que hè aunor a la canta e a la dança tradicionaus...
 

Que n’ètz acostumats adara, com cada annada la velha deu 1èr de mai, l’associacion l’Esquireta de Lescar qu’organiza la soa serada. Aquesta serada mercada per la tradicion que hè aunor a la canta e a la dança tradicionaus.
Totun avisatz-ve ! Augan ne's debanarà pas a Lescar mes a la Sala Gérard Forgues, Avienguda de Pau a Lons.

Au programa, a comptar de 19h, cantèra e tapàs a l'estanquet. Que seguirà a 21H un concèrt deu grop Entre Dos Aguas, un trio compausat d'Olivier Vayre a la guitarra, d'Eric De Chalup au cant e de David Dutech, lo hilh de Hubert, a la bateria, las percussions, au cant, a la beatbox e au mix. L'estile musicau deu grop creat en 2004 qu'ei "Flamenco Fusion World Music". Que naviga enter beatbox occidentau, raggas indians, cant mongòu e metau american en occitan, espanhòu, catalan e francés. Puish un grop, plan coneishut a noste e aulhors, que'vs harà dançar a comptar de 22H45, que s'ageish solide de Papar'Òc.

L’estanguet que serà assegurat com de costuma per la Calandreta de Lescar e l’entrada qu’ei a 10€.
Ça-vietz numerós !
Informacions mei auprès de Sylvain Masseillou, president de l’Esquireta, au 06 16 48 52 09.