Qu'èm urós de v'anonciar la data de la ceremonia oficiau de remesa deus prèmis deus 17aus Calams Bearnés, lo concors literari en gascon de l’Ostau Bearnés e La Civada.
Que's debanarà lo dimèrcs 23 de mai a 17.30 au Parlament de Navarra en preséncia deus elejuts, deus nostes partenaris e deus jurats.

Com se hè cada dus ans - a còp passat qu’ei en la Sala deu Conselh Municipau de la Mairia de Pau - lo Parlament de Navarra que va arcuélher los calams mei bons deu Bearn e d’endacom mei.

Los Calams Bearnés que son la mustra de çò qui’s pòt har quan tots los actors culturaus e tribalhan amassas.
Se aqueth concors ei tostemps ua escaduda desempuish las annadas navanta, qu’ei pr’amor l’organizator màger, l'Ostau Bearnés, « la Maison de la Cultura Bearnesa », a sabut atornejà’s de plan en har vàler totas las ressorças de la màger part de las soas associacions sòcias tot purmèr, mes tanben en hidant l’apreciacion deus tèxtes aus tanhents de la lenga (Cap’Òc, artistas, escrivans, professors arreconeishuts…que compausan las juradas).

Atau, qu’a podut convéncer partenaris de tot escantilh (culturaus de segur, institucionaus e economics) de paréisher e d’amuishar lo lor sosten. 
Donc de cinc òras e mieja deu vrèspe enlà, los organizators que convidan tot aqueth beròi monde entad aquera gran hèsta de la lenga deu país qui ei sustot lo parat de premiar los calamejaires mei bons de l’annada.

E augan enqüèra, que'vs podem d'ara enlà anónciar los joens que’s van atraçar un còp de mei los bèths prèmis.
Çò qui'ns hè díser la lenga nosta qu’ei plan vitèca.

Tà mei d'informacions rendetz-vos dens la rubrica Calams de las animacions  de l'Ostau!